Beynəlxalq Quran Xəbər Agentliyi (İQNA)-nın İslamazeri.az-a istinadən verdiyi xəbərə əsasən, Nigeriya polisindən bildiriblər ki, ölkənin şimal-şərqində baş vermiş partlayış nəticəsində azı 15 nəfər həlak olub.
Hadisə ölkənin Adamava ştatının Madaqali şəhərində yerləşən bazarda terror-kamikadzenin özünü partladması nəticəsində baş verib. Hazırda heç bir terror qruplaşması məsuliyyəti öz üzərinə götürməyib.
Eyni zamanda AFP isə bildirib ki, Nigeriyanın bu şəhərində 3 partlayış baş verib. Nəticədə 1 nəfər həyatını itirib, 3 nəfər isə yaralanıb. Partlayışlar nəzarət-keçid məntəqəsində, hərbi postda və avtobus stansiyasında baş verib. Ölkə hakimiyyəti hesab edir ki, bu 3 partlayışı "Boko Haram” terror təşkilatı törədib.