Livanlı xanım: QÜDS günü İslam İnqilabının əbədi nailiyyətidir
İmam Xomeyni (r.ə) mübarək Ramazan ayının son Cüməsini Qüds günü elan edərək bütün dünya müsəlmanları və müstəzəflərinə öyrətdi ki, bir olsunlar, vəhdət yaratsınlar, işğalçılığa, zülmə və imperializmə qarşı birgə mübarizə aparsınlar.
Livan İslam Müqaviməti Hərəkatının (HİZBULLAH) siyasi şurasının üzvü IQNA üçün göndərdiyi videomüsahibədə vurğulayıb: Biz müsəlmanlar işğal edilmiş Qüds və Fələstin məsələsinin qarşısında susmamalıyıq. Məhz buna görə Qədr gecələrindən sonrakı Cümə QÜDS günü adlandırılmışdır.
İslam İnqilabından sonra biz müsəlmanların həyata keçirdiyi ən gözəl işlərdən biri də budur ki, Qüds günü təkcə yürüşlər keçirməklə kifayətlənməmiş, bu hədəf üçün müxtəlif hərəkatlar yaratmış və həmişə sionist rejimi ilə mübarizəyə hazır olmuşuq.
Bu gözəl adət (Qüds günü yürüşü) artıq 40 ilddən çoxdur ki, Suriya, Livan və Fələstində və dünyanın digər ölkələrində İslam dünyasının azadlıqsevər rəhbərləri və ümməti tərəfindən həyata keçirilir və bütün ümmət vəhdət təşkil edərək sionizmin burnunu yerə sürtür.
Biz şahiddik ki, İran İslam İnqilabından sonra sionist rejimi bir gecə olsun belə rahat yata bilməmişdir. Həmişə öz süst və kiçik bir titrəmə ilə töküləcək və çökəcək sisteminə görə iztirab içində olmuşdur. Bunun hamısı isə mərhum İmamın (r.ə) müdrikliyi və İslami Müqavimətin izzət və gücü sayəsində baş vermişdir.
Sionist rejimi həmişə Fələstin torpaqlarına tamah salmış və bu torpaqlarda özlərinə ölkə qurmaq istəmişlər. İndi isə başa düşüb ki, İslam Müqaviməti Cəbhəsi bütün gücü ilə bu işğalçılığa qarşı dirəniş göstərir. Bu isə sionist rejimini narahat edir və yuxusuna haram qatır. Öz qeyri-qanuni rejimini qorumaq üçün dövrəsinə divar və hasar çəkir.
Sionist rejimi "Yəhud diyarı" (böyük İsrail) yuxusu və xülyası ilə yaşadığı bir zamanda İslam İnqilabı onun yuxusu üçün çəkdiyi planları alt-üst etdi.
İmam Xomeyninin (r.ə) dahiyanə tədbirləri və Həzrət İmam Xameneini müdrikanə idarəçiliyi sayəsində dünyanın bütün azadlıqsevərləri oyanıb və Fələstinin azadlığı üçün fəryad edirlər.
İnşaallah, ən tez zamanda bu müqəddəs torpaqlarının azadlığının şahidi olacayıq. Çünki bunu Allah-Taala Qurani-Kərimdə (Qəsəs/5) dünyanın bütün məzlum və müstəzəflərinə vədə vermişdir.
