Ramazan ayı və insan ruhunun inkişafı
Anlamaq vacibdir ki, dünyamızın müəyyən aspektləri, o cümlədən münasibətlər və şərtlər bizim böyüməmizə kömək edir. Cəmiyyətdə bir çox qanunlar müəyyən məqsədlə yaradılmışdır. Bununla belə, müəyyən edilmiş bu normaların bəziləri inkişaf üçün körpü rolunu oynayır. Belə olduğu halda, bəzi əməllər insanın inkişafı üçün açılan bir qapı kimidir. Məsələn, dini əmrlər kimi insanlara vacib olan əməllər və ibadətlər fərdləri inkişaf etdirən nemətlərə aparır. Onların yolunu həqiqətlə işıqlandırır.
Məhz buna görədir ki, Ramazan ayında oruc tutarkən, iftar və dua edərkən bu müqəddəs ayın əməllərində çoxlu sirlər və bərəkətlər gizlənir. Hətta yatmaq və nəfəs almaq kimi adi görünən işlər də bəndəlik və oruc ruhu ilə edildiyində ibadət sayılır.
Nahar və şam yeməyi təbiətin və insan bədəninin qidası olduğu halda, iftar və obaşdanda yeyilən yeməklər insanın nur və mənəvi inkişafı yolunda bir addımdır. İftar və obaşdanda yemək adi bir yemək kimi görünsə də, iftar və obaşdan adı daşıdığı üçün insanın ilahi cəhətləri ilə bir dəyərə çevrilir. Ona görə də insanın nəfsini təmizləyir, onun daha çox nur və mənəviyyatdan bəhrələnməsi üçün zəmin hazırlayır. Buraya bu ay ərzində obaşdan və iftarda tövsiyə edilən və oxunan dualar daxildir.
Ramazan ayı tövhid ayıdır və lüzumsuz yerə beyində qalan, davalara səbəb olan qayğı və kədərlərin bir kənara qoyulduğu aydır.
Müasir dünyanın mürəkkəblikləri və sosial-mədəni problemləri qarşısında son dərəcə həssas olan insanlar üçün Ramazan bir müddət də olsa şəxsi, sosial və mədəni problemlərdən xilas olmaq fürsətidir.
