Nilapastangan ang Qur’an sa Netherlands ng Pinuno ng Anti-Islam na Grupong PEGIDA
Nilapastangan ng pinuno ng Dutch ng grupong malayong kanan, ang Patriotic Europeans Against the Islamization of the West (PEGIDA), ang isang kopya ng Qur’an sa Netherlands, na nagbabanta na palakihin ang dati nang tensyon na kalagayan kasunod ng isang katulad na anti-Muslim na pangyayari sa Sweden.
Ang isang video na nai-post sa panlipunang media noong Lunes ay nagpakita ng anti-Muslim tagapagsulsol na si Edwin Wagensveld na pinunit ang banal na aklat ng Islam bago ito ipinakitang sinunog ito.
Matapos siyang arestuhin sa dalawang nakaraang mga okasyon dahil sa kanyang mga aktibidad na anti-Muslim, inangkin ni Wagensveld sa video na nakatanggap siya ng pahintulot mula sa lungsod ng The Hague para sa "pagkasira ng Qur’an."
Ang isang hiwalay na post sa kanyang Instagram akaynt ay nagpakita ng isang liham, na nilagdaan ng Alkalde ng The Hague Jan van Zanen na nagpapahintulot sa kanya na gumamit ng "mga bagay" sa kanyang protesta, ngunit ipinagbabawal sa kanya na sunugin ito dahil sa kaligtasan ng publiko.
"Ang karapatang magprotesta at ang karapatan sa kalayaan sa pagpapahayag ay ayon sa konstitusyon at protektado ng mga karapatang pantao at kalayaan," sinabi ng liham.
Ngunit idinagdag nito na "sa simulain ay hindi pinahihintulutan ang pagsunog ng mga bagay, dahil ito ay maaaring magdulot ng panganib."
Habang pinupunit ni Wagensveld ang isang pahina mula sa banal na aklat at pinupunasan ito, sinabi niya:
"Sa lalong madaling panahon, magkakaroon ng mga pagpaparehistro para sa katulad na mga aksyon sa ilang mga lungsod, oras upang sagutin ang kawalang-galang mula sa Islam nang walang-paggalang."
Pagkatapos ay ipinagpatuloy niya ang pagpunit ng Qur’an, ibinato ang mga pahina sa sahig bago sinabing: "Pagkatapos ng masarap na pagkain at inumin kasama ang ating grupo, oras na upang sunugin ang mga labi ng Qur’an."
Ang video klip pagkatapos ay nagpapakita ng Qur’an at ang punit-punit na mga pahina nito na nasusunog sa apoy sa isang bagay na kahawig ng isang kawali na inilagay sa sahig.
"Alam ng mga taong nakakakilala at sumusunod sa amin na hindi kami sumusuko, hindi namin hinahayaan ang aming sarili na takutin ng karahasan at pagbabanta ng kamatayan," sinabi niya.
Ang pagkawasak ng isang kopya ng Qur’an ay dumating ilang mga araw lamang pagkatapos ng isa pang pagsusunog na insidente sa Sweden noong Sabado, na nagpasiklab ng pagkondena at mga protesta sa buong mundo ng Muslim.
Sinunog ng anti-Muslim na pinuno na si Rasmus Paludan ang Qur’an sa harap ng embahada ng Turkey sa Stockholm matapos makatanggap ng permiso mula sa pamahalaan ng Suweko.
Ilang mga beses na pinigil
Dalawang mga buwan na ang nakalilipas, si Wagensveld ay pinigil ng pulisya dahil sa pang-iinsulto kay Propeta Muhammad gamit ang isang megaphone, ayon sa lokal na balita at isang nakasulat na pahayag na ginawa ng Tanggapan ng Dutch na Tagausig.
Ang tanggapan ng tagausig ay nagpasya, batay sa umiiral na kaso, na ang pahayag na ginawa ni Wagensveld ay maaaring ituring na isang insulto sa relihiyon ng Islam.
Ngunit sa huli ay napagpasyahan na hindi siya nakagawa ng anumang krimen at samakatuwid ay hindi siya uusigin para sa aksyon.
Nakulong din si Wagensveld isang buwan bago ito dahil sa hindi pagtupad sa mga panuntunan sa pagproprotesta at mga babala alinsunod sa isang nakaplanong kaganapan na magsunog ng kopya ng Qur’an.
Ang kilusan ng PEGIDA ay nagplano na sunugin ang Qur’an sa tapat ng pansamantalang gusali ng Parlamento ng Dutch ngunit nakansela ang kaganapan, ayon sa isang pahayag mula sa lungsod ng The Hague, na nagsasabing nais ng mga demonstrador na gamitin ang Qur’an sa isang "pagsusulsol" na paraan.
"Napagpasyahan na ang demonstrasyon ay maaari lamang gaganapin nang walang Qur’an upang maiwasan ang kaguluhan. Tumanggi ang mga demonstrador, pagkatapos ay kinansela ang palabas," sinabi ng pahayag.
Ang kilusan ng PEGIDA, sa kanyang panlipunang media akaynt, ay nagtalo na si Wagensveld ay pinigil sa kadahilanang tumanggi siyang ibigay ang Qur’an sa pulisya.
Nagtipon din ang isang kontra-demonstrasyon sa rehiyon ngunit nagsiuwian matapos ipahayag ng pulisya na nakansela ang demonstrasyon ng PEGIDA.
