Ayətullah İsa Qasimin məhkəməsi yenidən təxirə düşdü
Beynəlxalq Quran Xəbər Agentliyi (İQNA) Maide.Az-a istinadla xəbər verir ki, Ali Xəlif rejim məhkəməsi elan etmişdi ki, bu gün Şeyx İsa Qasimin sonuncu məhkəməsi keçiriləcək.
Qeyd edək ki, fevralın 25-də Bəhreyn ruhaniləri bəyanat yayaraq, xalqı ölümə qədər Ayətullah İsa Qasimi müdafiə etməyə çağırmışdı.
Ayətullah İsa Qasimə qarşı hər hansı axmaqlığın baş verməsi barədə xəbərdarlıq edən ruhanilər bildirib: "Ölkədə dinə olan təcavüzün sonlandırılmasını, xalqın tələblərinə cavab verməyə və məntiqlə iş görməyə dəvət edirik. Xalqımız sübut edib ki, milli və məzhəbi liderlərinin müdafiələri uğrunda canlarından keçməyə də hazırdı. Ayətullah İsa Qasimin məhkəməsi gecəsi (sabah) kütləvi halda "Cəfər Təyyar" namazının qılınmasını xahiş edirik”.
Xatırladaq ki, Ali Xəlif rejimi məhkəməsi Şeyx İsa Qasimi, çirkli pulların yuyulması kimi əsassız və qərəzli ittihamlarla da ittihamlandırır.
Bu rejim müxaliflər və siyasi fəalların vətəndaşlıqdan məhrum edilməsi məsələsində dünyada birinci yerdədir.
