Dünya Müsəlman Alimləri Birliyindən Liviya açıqlaması
Dünya Müsəlman Alimləri Birliyi Liviyadakı yeganə həll yolunun qanuni hökumətin dəstəklənməsinin olduğunu bildirib.
IQNA (Beynəlxalq Quran Xəbər Agentliyi) "şəfəqna" saytına istinadən xəbər verir ki, birliyin “Twitter” hesabından bəyanat verən baş katib Əli Əl-Karadaği “Beynəlxalq səviyyədə tanınan qanuni hökumətin Liviya torpaqlarına nəzarət edən mülki bir hökumət olması üçün dəstəklənməsi yeganə həll yoludur” ifadəsini işlədib.
Liviya böhranında bəzi Avropa ölkələrini zidd mövqe tutmaqda günahlandıran Karadaği “Bu ölkələr Rusiyanın Liviyada olmasının əleyhinə olduqlarını iddia edirlər, lakin hərbi olaraq və muzdlu əsgərlər vasitəsilə Rusiya tərəfindən dəstəklənən və Rusiyanın bir layihəsi olan Hafterin yanında yer alırlar”, – deyə bildirib.
