شھداء اور زخمیوں کی بڑھتی تعداد اور شمالی غزه میں قحط

ایکنا: وزارت صحت غزه نے وحشیانہ حملوں میں شہید اور زخمی ہونے والوں کی تعداد بارے تازہ رپورٹ شائع کی ہے.

ایکنا نیوز- فلسطینی میڈیا کے مطابق غزہ میں فلسطینی وزارت صحت نے اعلان کیا ہے کہ صیہونی حکومت نے گزشتہ 24 گھنٹوں کے دوران آٹھ حملے کئے جس کے نتیجے میں 89 افراد شہید اور 120 زخمی ہوئے ہیں۔

وزارت صحت نے اعلان کیا کہ کچھ لاشیں اب بھی ملبے کے نیچے اور گلیوں میں پڑی ہیں اور قابض فورسز امدادی کارکنوں کو ان تک رسائی کی اجازت نہیں دیتے۔

 غزہ کی وزارت صحت نے تاکید کی ہے کہ گذشتہ 7 اکتوبر  سے غزہ میں جنگ کے نتیجے میں 33 ہزار 634 فلسطینی شہید اور 76 ہزار 214 دیگر زخمی ہوئے ہیں۔

 قبل ازیں خبر رساں ذرائع نے اطلاع دی تھی کہ غزہ کی پٹی پر صیہونی حکومت کی جارحیت کے تسلسل میں اس حکومت کی فوج نے غزہ کے الدرج ضلع میں الصدرہ کے علاقے میں الطبیبی خاندان سے تعلق رکھنے والے ایک گھر پر بمباری کی جس کے نتیجے میں جس میں کم از کم 25 افراد شہید ہوئے۔

 نصرت کیمپ کے ایک اسکول پر جہاں مہاجرین موجود ہیں، قابضین کے فضائی حملے میں متعدد افراد زخمی ہوئے۔

 

 غزہ میں شہیدوں اور زخمیوں کی نئی تعداد سے لے کر شمالی غزہ میں قحط کے آغاز تک

صہیونی فوج کا مغربی کنارے میں "الفرع" کیمپ پر رات کا حملہ

 صیہونی حکومت کے فوجیوں نے جمعہ کی صبح مغربی کنارے میں "طوباس" میں واقع "الفراء" کیمپ پر چھاپہ مارا۔

 یہ حملہ فلسطینی جنگجوؤں کی مزاحمت سے روبرو ہوا اور صیہونی حکومت کے فوجیوں اور فلسطینیوں کے درمیان مسلح تصادم کا باعث بنا۔

فلسطینی ذرائع نے اعلان کیا ہے کہ الفرعہ کیمپ پر صیہونی فوجیوں کے حملے کے دوران اسرائیلی فوج کے جوانوں کی فائرنگ سے ایک فلسطینی شہید ہوگیا۔

شمالی غزہ میں "قحط" کا آغاز

امریکی ادارہ برائے بین الاقوامی ترقی کے ڈائریکٹر نے اس ملک کے ایوان نمائندگان اور سینیٹ کے ارکان کو آگاہ کیا کہ غزہ کے شمالی علاقوں میں غاصبانہ جنگ کے تقریباً 6 ماہ بعد قحط شروع ہوچکا ہے۔

سمانتھا پاور، جو بائیڈن انتظامیہ کی پہلی اعلیٰ عہدیدار ہیں، جس نے غزہ کی پٹی میں قحط کے پھیلاؤ کے بارے میں کئی مہینوں تک اقوام متحدہ کے امدادی اداروں اور عالمی ماہرین کی طرف سے خطے میں رہنے والے 2.2 ملین فلسطینیوں میں قحط کے بگڑتے ہوئے انتباہات کے بعد عوامی سطح پر بات کی ہے۔

انسانی ہمدردی کی تنظیموں نے زور دے کر کہا ہے کہ قابضین کے مسلسل حملوں کے درمیان شمالی غزہ میں سامان بھیجنا ناممکن ہے۔

سلامتی کونسل: اسرائیل غزہ کو امداد بھیجنے میں حائل رکاوٹیں دور کرے۔

 اقوام متحدہ کی سلامتی کونسل نے جمعرات کی شام اس بات پر زور دیا کہ صیہونی حکومت غزہ کی پٹی میں ضروریات کی سطح کے جواب میں ضروری انسانی امداد فراہم کرنے کے لیے مزید اقدامات کرے۔

ایک بیان میں، سلامتی کونسل نے غزہ کی پٹی میں انسانی امداد کی ترسیل اور تقسیم کو روکنے والی تمام رکاوٹوں کو فوری طور پر ہٹانے کا مطالبہ کیا۔

 کونسل کے اراکین نے غزہ میں تباہ کن انسانی صورتحال اور آنے والے قحط کے بارے میں اپنی تشویش کا اعادہ کیا اور "تصادم کے فریقین" سے مطالبہ کیا کہ وہ اس حمایت کا احترام کریں جس سے انسانی ہمدردی کے کارکنان خدمات انجام دیں سکے۔

 یہ بیان صیہونی حکومت کی جانب سے طبی اور بنیادی ضروریات کو غزہ کی پٹی میں داخل ہونے سے روکنے کے دانستہ اقدام کے سائے میں دیا گیا ہے، دوسری جانب امریکی اخبار "واشنگٹن پوسٹ" نے غزہ میں رفح کراسنگ سے شہادتیں شائع اور تصدیق کیں۔

 

 

صہیونی فوجیوں کی المیادین کے صحافیوں پر فائرنگ

صیہونی حکومت کے فوجیوں نے العدیسہ روڈ پر المیادین نیوز ٹیم پر فائرنگ کرکے ان کی گاڑی کو نقصان پہنچایا۔

المیادین کے مطابق اس صہیونی حملے میں اس نیوز چینل کے صحافیوں کو کوئی نقصان نہیں پہنچا۔

المیادین کے رپورٹر نے یہ بھی اطلاع دی ہے کہ UNIFIL فورسز نے مقبوضہ علاقوں کے شمال میں ایک صہیونی فوجی پوزیشن سے العدیسہ روڈ کی طرف شدید فائرنگ کا بھی مشاہدہ کیا ہے۔

اس رپورٹ کے مطابق صیہونی حکومت کے فوجیوں نے ایک ٹرک کو بھی نشانہ بنایا؛ یہ ٹرک UNIFIL فورسز کے لیے خوراک لے جا رہا تھا۔/

4209997